शेतात आढळला शेतकऱ्याच्या मृतदेह !
भुसावळ, मंडे टू मंडे वृत्तसेवा : तालुक्यातील साकरी येथे धक्कादायक घटना समोर आली असून शेतात एका शेतकऱ्याचा मृतदेह आढळून आल्याने गावात एकच खळबळ उडाली आहे. ज्ञानदेव वनराज बोरोले (वय-52) असे मृत शेतकऱ्याचे नाव आहे. अद्याप मृत्यूचे नेमके कारण समजू शकलेले नाही.
मिळालेली माहिती अशी की, बोरोले हे मंगळवारी शेतात गेल्यानंतर परत न आल्याने त्याचा शोधा शोध असतानाच दुपारच्या सुमारास शेतातच त्यांचा मृतदेह आढळून आआला. घटनास्थळी तालुका पोलिस ठाण्याचे सहायक पोलिस निरीक्षक प्रकाश वानखेडे यांनी भेट देऊन पहाणी केली. मृत बोरोले यांच्या मृतदेह वरणगाव ग्रामीण रुग्णालयात शवविच्छेदन करण्यात आले तर पोलिसांनी इन्क्वेस्ट पंचनामा केला असून मृत्यूचे कारण मात्र समोर आलेले नाही. सहाय्यक पोलिस निरीक्षक प्रकाश वानखडे अधिक तपास करीत आहेत.
