भुसावल मध्ये विद्यार्थ्यांवर चाकू हल्ला, चौघांवर गुन्हा दाखल
भुसावळ, मंडे टू मंडे न्यूज वृत्तसेवा। भुसावल शहरातील जुन्या भांडणाच्या कारणावरून दहावीत शिकणाऱ्या विद्यार्थ्याच्या सायकलला धडक देवून चाकूने वार करून जखमी केल्याची घटना घडली.
शाहीम शेख मुजाहिद (वय-१६) रा. मटन मार्केटजवळ, भुसावळ हा विद्यार्थी सध्या दहावीचे शिक्षक घेत आहे. सोमवारी २१ ऑगस्ट रोजी रात्री सोडआठ वाजता शाहीम शेख हा सायकलीने शहरातील पंचशिल नगरातील मिस्जिद जवळून जात असताना जुन्या भांडणाच्या कारणावरून शेख तौसिफ उर्फ बाबू शेख फिरोज याने दुचाकीने शाहिम शेख या मुलाच्या सायकलला धडक दिली. याचा जाब विचारला असता शेख तौसिफ याने चाकू काढून पायावर व हातावर मारून दुखापत केली.
तसेच रेहान शेख फिरोज, फिरोज शेख आणि शेरा उर्फ गोलू शेख फिरोज शेख सर्व रा. पंचनिशल नगर, भुसावळ यांनी देखील चापटाबुक्क्यांनी बेदम मारहाण केली. जखमी झालेल्या शाहीम शेख याला भुसावळ ग्रामीण रूग्णालयात दाखल करण्यात आले. उपचार घेतल्यानंतर शुक्रवार २५ ऑगस्ट रोजी रात्री १० वाजता भुसावळ बाजार पेठ पोलीस स्टेशनला चौघांवर गुन्हा दाखल करण्यात आला असून पुढील तपास पोलीस महिला करीत आहे.
