भुसावळात पुन्हा मर्डर : चाकूने वार करून चेहरा दगडाने ठेचून खून !
मंडे टू मंडे वृत्तसंकलंन।
भुसावळ, मंडे टू मंडे वृत्तसेवा : शहरातील जामनेर रोडवर रात्री एका तरूणाचा चाकूने सपासप वर करून चेहरा दगडाने ठेचून अतिशय क्रूरतेने खून झाल्याची घटना आज समोर आली असून या घटनेने शहरात खळबळ उडाली आहे.
याबाबत वृत्त असे की, शहरातील जामनेर रोडवर श्रध्दा कॉलनीत असणार्‍या गजानन महाराज मंदिराच्या समोर मध्यरात्री अंदाजे ३०-३५ वर्षीय एका तरूणावर चाकून सपासप वार करून त्याचा खून करण्यात आल्याची घटना घडली. या तरूणाचा चेहरा दगडांनी ठेचून टाकण्यात आल्याने त्याची ओळख पटविण्यात अडचणी येत आहेत. पहाटे या घटनेची माहिती मिळताच डीवायएसपी सोमनाथ वाघचौरे, बाजारपेठचे पोलीस निरिक्षक दिलीप भागवत आणि त्यांच्या सहकार्‍यांनी घटनास्थळी धाव घेत पंचनामा करण्यात आला असून गुन्हा नोंदविण्याने सुरू आहे.
