भुसावळात संजय सावकारेचा बोलबाला ! १८ जागांपैकी १५ जागांवर दणदणीत विजय
भुसावळ, मंडे टू मंडे न्युज वृत्तसेवा। येथील कृषी उत्पन्न बाजार समितीच्या निवडणुकीत आ.संजय सावकारे यांच्या भाजप प्रणित पॅनलने दणदणीत विजय संपादन करत आज लागलेल्या निकालात १८ जागांपैकी १५ जागांवर विजय मिळवत आपले वर्चस्व सिद्ध केले तर विरोधकांना तीन जागांवर समाधान मानावे लागले.
भुसावळ कृषी उत्पन्न बाजार समितीत यंदा मोठी चुरस पाहण्यास मिळाली. यात संजय सावकारे यांनी भाजपच्या शेतकरी विकास पॅनलचे नेतृत्व केले तर आमदार एकनाथराव खडसे व माजी आमदार संतोष चौधरी यांनी
महाविकास आघाडी पुरस्कृत शेतकरी सहकार पॅनलचे नेतृत्व केले दोन्ही पेनल मध्ये मोठी चुरशीची लढत होऊन दोन्ही बाजूंनी एकमेकांवर जोरदार आरोप-प्रत्यारोप झाले. दरम्यान, आज सकाळी मतमोजणी सुरू झाली. यात संजय सावकारे यांच्या शेतकरी विकास पॅनलने पहिल्यापासून घेतलेली आघाडी कायम ठेवत तब्बल १५ जागा मिळाल्या तर विरोधकांना फक्त तीन जागांवर समाधान मानावे लागले .
