किन्ही केंद्राचा शाळा पूर्वतयारी मेळावा जि प शाळा कन्हाळे शाळेत संपन्न
भुसावल, मंडे टू मंडे न्युज वृत्तसेवा। जिल्हा शिक्षण व प्रशिक्षण संस्था जळगाव मार्फत दिनांक २० एप्रिल रोजी शाळा पूर्व प्रशिक्षण मेळाव्याचे आयोजन कन्हाळे शाळेमध्ये केलेले होते. या मेळाव्याच्या अध्यक्षस्थानी कन्हाळे शाळेचे ग्रेडेड मुख्याध्यापक ज्ञानेश्वर चौधरी हे होते. प्रमुख पाहुणे म्हणून सुनिता डोळे संगीता सूर्यवंशी, राजेंद्र ढाके उपस्थित होते. प्रमुख मार्गदर्शक उपशिक्षक शिंदी समाधान जाधव, उपशिक्षक खेडी प्रमोद गांधीले यांनी मार्गदर्शन केले.
उपशिक्षक समाधान जाधव यांनी प्रास्ताविक करताना सांगितले की, इयत्ता पहिली मध्ये जून २०२३ – २०२४ मध्ये प्रवेश करणाऱ्या मुलांसाठी स्टार्स प्रकल्प अंतर्गत शाळा पूर्वतयारी मोहीम राबवण्यात येत आहे. मागील काही वर्षापासून आपण कोरोना महामारीच्या संकटात होतो. या रोगाचा परिणाम मुलांच्या शिक्षणावरही झाला २०२३ – २४ मध्ये दाखल होणारी मुले यांना प्रत्यक्षात अंगणवाडी आणि बालवाडीच्या शिक्षणाचा त्यांना अनुभव मिळालेला नाही. त्यासाठी शाळा पूर्वतयारी मेळाव्याचे आयोजन शाळा स्तरावर २८ एप्रिल २०२३ रोजी आणि जून महिन्यामध्ये शाळा उघडल्यानंतर मेळाव्याचे आयोजन करायचे आहे. या दोन महिन्यांच्या काळात विद्यार्थी प्रवेशपात्र यादी तयार करणे, पालकांचे गट तयार करणे, त्यांचा मेळावा घेणे, त्यांना घरी कृती करण्यासाठी शाळेतले पहिले पाऊल हे पुस्तक देणे आणि त्यानुसार त्यांचे गट पाडून कृतीयुक्त आनंददायी शिक्षण देणे. अशा प्रकारचे नियोजन करण्यात आलेले आहे.
मेळाव्याला शैक्षणिक साहित्य तयार करण्यासाठी नामदेव महाजन, प्रमोद खैरे, लीना अहिरे,श्रीकृष्ण पाटील, ओंकार पाटील यांनी सहकार्य केले. शाळा पूर्व तयारी मेळावा मध्ये सात स्टॉल लावण्यात होते. स्टॉल क्रमांक एक विद्यार्थी नाव नोंदणी, वजन, उंची, रिपोर्ट कार्ड देणे, स्टॉल क्रमांक दोन शारीरिक विकास, स्टॉल क्रमांक तीन बौद्धिक विकास, स्टॉल क्रमांक चार सामाजिक आणि भावनात्मक विकास स्टॉल क्रमांक पाच भाषा विकास, स्टॉल क्रमांक सहा गणन पूर्वतयारी, स्टॉल क्रमांक सात मातांना साहित्य देणे आणि मार्गदर्शन करणे. असे सात प्रकारचे स्टॉल लावण्यात आलेले होते. या प्रत्येक स्टॉलवर विविध प्रकारचे शैक्षणिक साहित्य ठेवून विद्यार्थ्यांची बौद्धिक, शारीरिक, भावनिक, सामाजिक, भाषा विकास, गणन पूर्व तयारी या क्षमतांची पडताळणी करण्यात आली. त्याला विविध प्रकारचे खेळ खेळून आनंददायी वातावरण तयार करून शाळा पूर्व तयारी करण्यात आली.
स्टॉल लावण्यासाठी कन्हाळे, चोरवड, खेडी, किन्ही, खंडाळा, वेल्हाळे, शिंदी, खडका, उर्दू शाळा कन्हाळे, शिंदी या शाळांनी मदत केली. कार्यक्रमाचे सूत्रसंचालन प्रमोद खैरे, ओंकार पाटील यांनी केले. आणि आभार प्रदर्शन लीना अहिरे मॅडम यांनी केले. कार्यक्रमाच्या यशस्वीतेसाठी, राजेंद्र ठोसरे, शालिनी चौधरी, मनीषा चव्हाण, कविता पाटील, श्रीकृष्ण पाटील, शेख फरीदाबानो, वर्षा ठाकूर, उज्वला ढाके, मेघशाम सपकाळे यांनी परिश्रम घेतले.
