भुसावल मध्ये गावठी कट्ट्याचे मॅग्झीनसह तीन काडतूस जप्त
भुसावळ,मंडे टू मंडे न्युज वृत्तसेवा। भुसावल शहरातील कवाडे नगरात गावठी कट्ट्याचे मॅग्झीनसह तीन जंगलेले काडतूस आढळून आल्याने एकच खळबळ उडाली.
शहरातील कवाडे नगर भागातील बौद्ध विहाराजवळ वास्तव्यास असलेल्या दोन घरामागील भिंतीजवळ मोकळ्या जागी काडतूस व मॅग्झीन पडून असल्याची माहिती शहर पोलिस ठाण्याचे निरीक्षक गजानन पडघण यांना गुरुवारी रात्री ११ वाजता मिळाली होती. त्यानुसार सहाय्यक पोलिस निरीक्षक संदीप दुनगहू, जाकीर मन्सुरी, जुबेर शेख, मोहम्मद वली सैय्यद आदींनी रात्रीच घटनास्थळ गाठत बेवारसरीत्या पडून असलेले मॅग्झीन व तीन गंजलेली काडतूस जप्त केले होते. भुसावळ शहर पोलिसांनी या प्रकरणी अद्याप गुन्हा दाखल केला नसला तरी स्टेशन डायरीला त्याबाबत नोंद केल्याची माहिती मिळते.
