दोन दुचाकींची समोरा-समोर जोरदार धडक, दोन जणांचा जागीच मृत्यू
भुसावळ,मंडे टू मंडे न्युज वृत्तसेवा। भुसावल वरणगाव रस्त्यावरील भुसावल येथून जवळच असलेल्या फुलगाव फाट्याजवळ रात्री दोन दुचाकींची समोरा-समोर धडक होऊन त्यात दोन जणांचा मृत्यू झाल्याची दुःखद घटना घडली.
मिळालेली माहिती अशी की, काल दि.१ नोव्हेंबर बुधवार रोजी रात्री नऊ वाजेच्या सुमारास फुलगाव फाट्याजवळ दोन मोटारसायकलीची समोरासमोर एकमेकांना जोरदार धडक दिल्याने यात विजय रामकृष्ण महाजन , वय ४७, रा. फुलगाव , व ललित दांडे ,वय ३५ रा. वरणगाव, हे दोन जण गंभीर जखमी झाले. या दोघांना लागलीच वरणगाव येथील ग्रामीण रूग्णालयात दाखल केले असता त्यांना डॉक्टर्सनी मृत घोषीत केले.
या भीषण अपघातात फुलगाव येथील विजय रामकृष्ण महाजन ,वय ४७, व वरणगाव येथील ललित दांडे ,वय ३५ या दोघांना आपले प्राण गमवावे लागले.दोन्ही मृतांच्या पार्थिवाचे आज सकाळी शवविच्छेदन वरणगाव येथील ग्रामीण रूग्णालयात करण्यात येणार असल्याची माहिती मिळाली असून वरणगाव पोलिस पुढील तपास करीत आहेत.
