अल्पवयीन मुलींच्या अपहरण प्रकरणी एकास अटक दुसरा फरार !
भुसावळ– तालुक्यातील खडका गावातील गणेश कॉलनी परीसरातील राहणाऱ्या अल्पवयीन मुलीचे अज्ञात व्यक्तींनी अपहरण केल्याचे घटना घडली, याप्रकरणी संशयित आरोपीस अटक करण्यात आली असुन या कृत्यास मदत करणाऱ्या दुसरा संशयित पसार झाला आहे.
सविस्तर माहिती अशी की, ५ सप्टेंबर २०२० रोजी अज्ञात व्यक्तींनी खडका गावातील गणेश कॉलनी परीसरातील राहणाऱ्या अल्पवयीन मुलीचे अपहरण केल्याचे उघडकीस आले. याप्रकरणी भुसावळ तालुका पोलीस स्टेशनला अपहरणाचा गुन्हा दाखल करण्यात आला आहे. फिर्यादी यांची अल्पवयीन मुलीस तालुक्यातील साकरी येथील सराईत गुन्हेगार अमोल तुळशीराम भोळे याने फुस लावून शिवीगाळ व मारण्याची धमकी दिली असल्याची तक्रार दिली. याप्रकरणी अल्पवयीन मुलीच्या पालकांनी जिल्हा पोलीस अधिक्षक यांना निवेदनाद्वारे माहिती देण्यात आली. न्याय न मिळाल्यास अल्पवयीन मुलीचे आई-वडिलांसह नातेवाईक तक्रार हे २ ऑक्टोंबर रोजी तालुका पोलीस ठाण्यासमोर ठिय्या करणार असल्याचे नमूद केले. पोलीस अधिक्षक डॉ. प्रविण मुंडे यांनी अर्जाची दखल घेत पोलीस निरीक्षक यांना आदेश देत संशयित आरोपीस शोधण्यासाठी पथक पुण्यातील चाकण येथे रवाना झाले. आणि संशयित आरोपी अमोल भोळे याला ताब्यात घेत अल्पवयीन मुलीला घरी आणले. याप्रकरणी पुढील तपास भुसावळ तालुका पोलीस स्टेशनकडून करण्यात येत आहे.
