तलवारीसह दहशत माजविणाऱ्यास भुसावळात अटक !
भुसावळ । शहरातील घोडेपीर बाबा दर्ग्या जवळ एका तरुणाला तलवारीसह दहशत माजवीत असल्याने बाजारपेठ पोलीसांनी आरोपीस तलवारसह ताब्यात घेऊन अटक केली आहे.
याबाबत सविस्तर माहिती अशी की, बाजारपेठ पोलीस ठाण्याचे पोलीस निरिक्षक दिलीप भागवत यांना रविवारी सायंकाळी ६:३० वाजेच्या सुमारास निलेश उर्फ गोलू जय सपकाळे (वय-२२ रा.शिवपूर कन्हाळा ता.भुसावळ) हा घोडेपीर बाबा दर्गा परिसरात तलवारीसह दहशत माजवत असल्याची माहिती मिळाल्याने बाजारपेठ पोलीसांच्या पथकाने त्याला अटक केली असून भुसावळ बाजारपेठ पोलीस स्टेशनला आर्म अ‍ॅक्ट कलम- ४/२५ प्रमाणे गुन्हा नोंद करण्यात आला आहे. सदरील कार्यवाही पोलीस अधिक्षक डॉ. प्रविण मुंडेे, अपर पोलीस अधिक्षक श्रीमती भाग्यश्री नवटके व उपविभागीय पोलीस अधिकारी गजानन राठोड तसेच पोलीस निरीक्षक दिलीप भागवत यांच्या मार्गदर्शनाखाली सहा.पोलीस निरीक्षक अनिल मोरे, मंगेश गोटला, पो.हे.कॉ.अयाज सैय्यद, पो. ना.किशोर महाजन, समाधान पाटील, उमाकांत पाटील, रमण सुरळकर, पो.कॉ. विकास सातदिवे, प्रशांत परदेशी, ईश्‍वर भालेराव, कृष्णा देशमुख, योगेश महाजन यांच्या पथकाने केली आहे.
