चारचाकी वाहनाच्या धडकेत गाते येथील भाऊ-बहिणीचा मृत्यू !
मंडे टू मंडे वृत्तसंकलंन।
वरणगाव, मंडे टू मंडे वृत्तसेवा । राष्ट्रीय महामार्गावरील ट्रक दुचाकी अपघातात दोन तरूण भाऊ ठार झाल्याची आजची घटना नवीन असतांना त्याच महामार्गावर नागराणी पेट्रोल पंपाजवळ चारचाकी स्वीफ्ट गाडीने मोटरसायकलला धडक दिल्याने झालेल्या अपघातात भाऊ-बहीण जागीच मृत्यू झाल्याची दुर्दैवी घटना घडली.
मिळालेली अधिक माहिती अशी की, महामार्गावरील नागराणी पेट्रोल पंपा नजीक रविवारी रात्री ८:१५ वाजेच्या सुमारास भुसावळ तालुक्यातील बोहर्डी फाट्याजवळ ऑर्डनर्स फॅक्टरीकडे वळत असतांना रावेर तालुक्यातील गाते या गावातील बहिण पुजा विनोद कोळी आणि भाऊ दुर्गेश विनोद कोळी यांच्या दुचाकीला मुक्ताईनगरकडून भरधाव वेगाने येणाऱ्या स्विप्ट कारने जोरदार धडक दिल्याने बहिण भावाचा जागीच मृत्यू झाल्याची दुदैवी घटना घडली. या घटनेमुळे परिसरात हळहळ व्यक्त होत आहे. याप्रकरणी कार मालका विरुध्द वरणगाव पोलीस ठाण्यात गुन्हा दाखल करण्यात आला असून पोलीस पुढील तपास करीत आहे.
