जी.प. सदस्या सावकारेंचे मतदार यादीतून नाव गायब; आयोगाकडे तक्रार करणार– पल्लवी सावकारे
मंडे टू मंडे वृत्तसंकलन।
भुसावळ (प्रतिनिधी)। भाजपाच्या कुर्हा-वराडसीम गटातील जिल्हा परिषद सदस्या सौ. पल्लवी प्रमोद सावकारे यांचे नाव मतदार यादीतून गायब झाल्याने राजकीय वर्तुळात खळबळ उडाली आहे.
भाजपच्या जिल्हा परिषद सदस्या सौ. पल्लवी प्रमोद सावकारे या मतदान करत असलेल्या ग्रामीण भागाच्या मतदार यादीतून ग्रामपंचायत निवडणुकीच्या एक दिवस आधी त्याचे नाव अचानक गायब झाल्याचे आढळून आल्याने खळबळ उडाली आहे. महत्वाचं म्हणजे, निवडणुकीच्या मतदारांच्या अंतीम याद्या तयार झाल्या त्यावेळी त्यांचे नाव यादीत होते. परंतु, आता मतदार यादीत नाव नसल्याने याप्रकरणी आपण निवडणूक आयोगाकडे तक्रार करणार असल्याचे त्यांनी सांगितले .
