Big Breaking : रावेरच्या कारवाईत १ कोटी रुपयांच्या ब्राऊन शुगर हेरॉईन जप्त, महिलेस अटक !
जळगाव, मंडे टू मंडे वृत्तसेवा : जळगाव स्थानिक गुन्हे शाखेच्या पथकाने रावेर येथे एका महिलेस तब्बल एक कोटी रूपयांच्या ब्राऊन शुगर व हेरॉईनसह अटक करण्यात आल्याने खळबळ उडाली आहे ही महसूल प्रशासनाच्या मदतीने ही कारवाई केली. जिल्ह्यातील ही सर्वात मोठी घटना असून याचे धागेदोरे राष्ट्रीय वा आंतरराष्ट्रीय रॅकेटशी जुडले असल्याची शक्यता असल्याचेही बोलले जात असून जिल्ह्यात याबाबतचे रॅकेट कार्यरत तर नाही ना असाही प्रश्न उपस्थित होते आहे.
स्थानिक गुन्हे शाखा जळगांवचे पोलीस निरिक्षक किरणकुमार बकाले यांना रावेर गावात डॉ. बाबासाहेब आंबेडकर पुतळया जवळ चौकात एक महिला ब्राऊन शुगरसह येणार असल्याची माहिती मिळाली. यानुसार पोलीस अधिक्षक डॉ. प्रवीण मुंढे, अपर पोलीस अधिक्षक चाळीसगाव परिमंडळ रमेश चोपडे, उपविभागीय पोलीस अधिकारी फैजपूर डॉ. कुणाल सोनवणे यांच्या मार्गदर्शना खाली, पोलीस निरीक्षक किरणकुमार बकाले, स्थानिक गुन्हे शाखा जळगांव, व पोलीस निरिक्षक श्री कैलास नागरे, रावेर पोलीस स्टेशन यांनी पथक तयार केले. या पथकाने छाप्याबाबत रावेरच्या तहसीलदार उषाराणी देवगुणे, सपोनि योगीता नारखेडे, सपोनि शितलकुमार नाईक, पीएसआय विशाल सोनवणे, हवालदार युनुस शेख इब्राहीम, मनोहर रघुनाथ शिंदे, सुनिल पंडीत दामोदरे, लक्ष्मण अरुण पाटील, किशोर ममराज राठोड, रणजित अशोक जाधव, श्रीकृष्ण खंडेराव देशमुख, पोकॉ/८४४ ईश्वर पंडीत पाटील, अभिलाषा मुरलीधर मनार, योगिता संजय पाचपांडे, रमेश भरत जाधव, भारत शांत्तारख्माताराम पाटील सर्व नेम.स्थानिक गुन्हे शाखा,जळगाव, पोहेकॉ/१४ विजु फत्तु जावरे, पोना/३१२८ सुरेश आनंदा मेढे,पोकॉ/२१६८ प्रमोद सुभाष पाटील, पोकॉ/८७८ सचिन रघुनाथ घुगे नेम.रावेर पो.स्टे. असे अधिकारी व पोलीस अंमलदार यांच्या सहकार्याने पथकाची निर्मिती केली.
सापळा रचून रावेरच्या डॉ. बाबासाहेब आंबेडकर चौकात या पथकाने अख्तरी बानो पिता अब्दुल रऊफ (वय ४५ रा.मोमीनपुरा बडा कमेलापास ता.जि. बर्‍हाणपुर ) हिला ताब्यात घेतले. या महीलेची तहसीलदार उषाराणी देवगुने यांच्या समक्ष झडती घेतला तिच्या कब्ज्यात एक कोटी आठ हजार रूपये मूल्य असणारे ५००.४ ग्रॅम हेरॉईनचे दोन कीट मिळुन आले. हेरॉईन हे ब्राऊन शुगरपासून तयार करण्यात आले होते. या महीलेस विचारपुस करुन अधिक माहीती घेता तीने संबंधीत हेरॉईन ही सलीम खान शेर बहादुर न रा. किटीयानी कॉलनी मंदसौर मध्यप्रदेश याचे कडुन घेतल्याची माहीती दिली आहे. सदर महीले विरुध्द रावेर पोलीस स्थानकात गुन्हा दाखल करण्यात आला आहे. पुढील तपास पो.निरी.कैलास नागरे, यांच्या मार्गदर्शनाखाली सपोनि शितलकुमार नाईक करीत आहेत.
