भाजपच्या मित्रांनी मला मदत केली– एकनाथ खडसे
मुंबई, मंडे टू मंडे न्यूज वृत्तसेवा : भाजपमधील जुन्या मित्रांनी मला मदत केली असून आपल्याला राष्ट्रवादीच्या कोट्यापेक्षा जास्त मते मिळाली आपण त्यांचे आभार मानतोय या शब्दांमध्ये एकनाथराव खडसे यांनी आज विजयानंतर प्रथम प्रतिक्रिया देताना सांगितले आहे.
विधान परिषद निवडणूकित राष्ट्रवादी कॉंग्रेसचे उमेदवार ज्येष्ठ नेते एकनाथराव खडसे यांनी पहिल्या पसंतीची २९ मते मिळवून विजयी संपादन केल्यानंतर भावनिक झाल्याचे पहायला मिळाले. पत्रकारांनी विचारले असता, मी सभागृहात येऊ नये म्हणून काही जणांनी प्रयत्न केले. मात्र, शरद पवार,अजित पवार व सहकार्यांनी मला संधी दिली या संधीचा नक्कीच जनसेवेसाठी उपयोग करणार असल्याचे एकनाथराव खडसे म्हणाले.
मला राष्ट्रवादीच्या कोट्यापेक्षा जास्त मते मिळाली असून ते भाजपमधील मित्रांनी मला मदत केली आहेत. यासोबत काही अपक्ष आमदारांनीही आपल्याला मदत केल्याचे त्यांनी बोलतांना सांगितले आहे.
