रक्तदान हेच श्रेष्ठदान : चिनावाल येथील नवनगर मित्र मंडळाचा स्तुत्य उपक्रम
मंडे टू मंडे वृत्तसंकलन।
चिनावल, मंडे टू मंडे वृत्तसेवा : कोरोनाच्या प्रादुर्भावामुळे सार्वजनिक कार्यक्रमांवर बंधने असली, तरी आपत्ती काळातील गरज ओळखून चिनावल येथील नवनगर मित्र मंडळाने गणेशोत्सवानिमित्त रक्तदानाचा स्तुत्य उपक्रम राबविला आहे.
सध्याच्या आपत्ती काळात रुग्णांना अत्यावश्यक असणाऱ्या रक्ताचा तुटवडा लक्षात घेता नवनगर मित्र मंडळाने दि. १२ रोजी रेड प्लस ब्लड बॅंकेच्या मदतीने रक्तदान शिबीराचे आयोजन केले होते. या शिबीराचे उद्घाटन डॅा. जितेंद्र पाटील यांनी केले. शिबीरात ६० पेक्षा अधिक तरुणांनी तसेच स्त्रियांनी रक्तदान केले. प्रसंगी सावदा पोलीस स्टेशचे API देविदास इंगोले यांनी मंडळाबद्दल गौरवोद्गार काढले. PSI समाधान गायकवाड यांनीही रक्तदान केले. शिबीराला डॉ. जितेंद्र पाटील, डॅा. जयंत तोडकर, रेड प्लस ब्लड बॅंकेचे सुरज पाटील व टीम, उपसरपंच परेश महाजन, मंडळाचे अध्यक्ष लोकेश पाटील, जितेंद्र महाजन, धिरज पाटील व कार्यकर्ते उपस्थित होते.
