बोदवड नगरपंचायतीवर शिवसेना भगवा फडकला : सेना ९ तर राष्ट्रवादी ७ जागी विजयी !
बोदवड, मुक्ताईनगर, प्रतिनिधी : येथील बोदवड नगरपंचायतीच्या सतरा जागांचा निकाल हाती आले असून शिवसेना पक्षाने निर्विवाद वर्चस्व मिळवले असून ९ जागा काबीज केले आहे तर राष्ट्रवादी ७ जागांवर विजयी झाली आहे. व भारतीय जनता पार्टी १ जागेवर त्यामुळे बोदवड नगरपंचायतीवर आमदार चंद्रकांत पाटील यांच्या नेतृत्वात भगवा फडकला आहे.
बोदवड नगरपंचायतीसाठी सुरू असलेल्या मतदानाची मोजणी आज सकाळी दहा वाजेपासून प्रारंभ झाली. पहिल्‍या फेरीपासून राष्ट्रवादी कॉंग्रेसने आघाडी ठेवली होती. बोदवडमध्‍ये सत्‍ता असलेल्या भाजपला मात्र केवळ खाते उघडता आले आहे. मात्र मुक्ताईनगर मतदार संघ असलेल्या चंद्रकांत पाटील यांच्या उमेदवारांनी नंतरच्‍या फेरींमध्‍ये बाजी पलवली. यात राष्ट्रवादीला मागे टाकत शिवसेना पुढे गेली आहे. बोदवड नगरपंचायतीच्या आत्तापर्यंत हाती आलेल्या निकालानुसार १७ पैकी ९ जागा मिळवत शिवसेनेने आतापर्यंतच्‍या निकालात मुसंडी मारल्‍याने एकनाथ खडसेंना त्यांच्याच होम ग्राउंडवर धक्का बसल्‍याचे मानले जात आहे. राष्ट्रवादीला ७ जागांवर विजय मिळविता आला आहे. विशेष म्‍हणजे राष्ट्रवादीने १७ पैकी १७ जागांवर आपले उमेदवार उभे केले होते.
