ब्रेकिंग : दुचाकीस्वार कंटेनरच्या चाकाखाली आल्याने जागीच ठार
मुक्ताईनगर मधील घटना
मुक्ताईनगर, मंडे टु मंडे न्युज प्रतिनिधी । मुक्ताईनगर शहरातील उड्डाणपुलावर ट्रॅक्टर घेऊन जाणाऱ्या कंटेनरला ओव्हरटेक करत असताना रस्त्यावर दुचाकीस्लिप झाल्याने दुचाकीस्वार कंटेनरच्या चाकाखाली आल्याने जागीच ठार झाल्याची घटना आज २५ जून मंगळवार रोजी दुपारी ४ वाजेच्या सुमारास घडली.
या संदर्भात मिळालेली माहिती अशी की, अनिल छोटू डागोर, वय-४०, रा. रामदेव बाबा नगर, मलकापूर, जि. बुलढाणा. हा तरुण आपला मित्र अभिषेक टाक याच्यासोबत मंगळवारी २५ जून रोजी दुपारी मलकापूरकडून भुसावळकडे जाण्यासाठी दुचाकीने निघाले होते. त्यावेळी मलकापूरहून जळगावकडे जाणारा ट्रॅक्टर घेऊन जाणारा कंटेनर पुढे जात होता.
दुपारी ४ वाजेच्या सुमारास उड्डाणपुलावर दुचाकीस्वार अनिल डागोर याने ट्रॅक्टर घेऊन जाणाऱ्या कंटेनरला ओव्हरटेक करत असताना रस्त्यावर पडलेल्या पाण्यामुळे त्याची दुचाकी स्लिप झाली. त्यामुळे तो कंटेनरच्या क्लीनर भागाच्या मागच्या चाकात आल्याने त्याचा दुर्दैवी अंत झाला. तर मागे बसलेला अभिषेक टाक थोडक्यात बचावला आहे.
घटनास्थळी दाखल होत मुक्ताईनगर पोलिसांनी मृतदेह मुक्ताईनगर ग्रामीण रुग्णालयात दाखल केला. दरम्यान मयत हा मलकापूर येथील रेल्वे स्टेशनचे साफसफाईचा ठेका घेवून आपला उदरनिर्वाह करीत होता. या घटने बाबत मुक्ताईनगर पोलीस स्टेशन मध्ये घटनेची नोंद घेण्याचे काम सुरू होते.
