ब्रेकिंग : विजयी खासदाराच्या कानशिलात लगावली महिला जवानने
मुंबई, मंडे टु मंडे न्युज नेटवर्क l नुकत्याच झालेल्या लोकसभा निवडणुकीत निवडून आलेल्या मंडी लोकसभा मतदारसंघातील भाजपच्या विजयी उमेदवार अभिनेत्री कंगना रणौतच्या कानशिलात चंदिगड विमानतळावर सीआयएसएफच्या महिला जवानाने लगावली असल्याचा आरोप अभिनेत्री कंगना रणौतने केला आहे.
हिमाचल प्रदेशमधील मंडी लोकसभा मतदारसंघातून निवडणूक जिंकल्यानंतर कंगना रणौत आज दिल्लीला रवाना झाली. त्या दरम्यान ती चंदिगड विमानतळावर असताना तिला सीआयएसएफच्या महिला जवानाने मारहाण केली असल्याचे आरोप कंगनाने केला आहे. समोर आलेल्या वृत्तानुसार, कंगनाने शेतकरी आंदोलनादरम्यान महिला आंदोलकांबाबत वक्तव्य केले होते. त्याच वक्तव्यावर नाराज असलेल्या सीआयएफएफच्या महिला जवान कुलविंदर कौर यांनी कानशिलात लगावली असल्याचा आरोप कंगनाने केला. कंगनासोबत गैरवर्तवणूक करणाऱ्या महिला सीआयएसएफ जवानावर कारवाई करावी. अशी मागणी होत असून काँग्रेसचे उमेदवार विक्रमादित्य सिंह यांना भाजपच्या कंगनाने ७४ हजारांच्या मताधिक्याने पराभूत केले.
