ब्रेकिंग : रावेर भूमी अभिलेख कार्यालयातील भूकरमापकाला ४ हजारांची लाच भोवली
रावेर, मंडे टु मंडे न्युज नेटवर्क | रावेर तालुक्यातील भूमी अभिलेख कार्यालयाच्या नगर भूमापकाला चार हजारांची लाच घेताना जळगाव एसीबीचे पोलीस उपअधीक्षक योगेश ठाकूर यांच्या नेतृत्वात पथकाने अटक केली आहे. या कारवाईने भूमी अभिलेख कार्यालयात मोठी खळबळ उडाली आहे. या कारवाईने भूमी अभिलेख कार्यालयात लाचखोरांना हादरा बसला आहे .
यातील तक्रारदार वय ३० वर्ष. यांनी दिनांक ४ मार्च २५ रोजी तक्रार दिली की, तक्रारदार व त्यांचे काका यांची मस्कावद, ता रावेर येथे सामाईक शेत जमिन असून त्यासाठी त्यानी भुमी अभिलेख कार्यालय रावेर येथे दिनांक ७/१/२०२५ रोजी अर्ज करुन शासकिय फी भरली होती. त्यानंतर
राजेंद्र रमेश कुलकर्णी, वय ४८ पद- भूकरमापक, भूमी अभिलेख कार्यालय, यांनी दि. १८/२/२५ रोजी प्रत्यक्ष शेतात येवून जमिनीचे मोजमाप केले होते. त्यावेळी राजेंद्र कुलकर्णी यांनी तक्रारदार याना केलेल्या मोजमाप च्या खुणा दाखविण्यासाठी ५५०० रुपयाची मागणी स्वतःसाठी केली होती. तेंव्हा तक्रारदार यानी पैसे नसल्याचे सांगितल्यावर कुलकर्णी यानी शेतात चण्याचे ( हरभरे ) पिक आहे पैशांच्या बदल्यात चणें दे असे सांगितले होते. तक्रारदार याना पैशे अगर चणे ( हरभरे ) देण्याची इच्छा नसल्याने त्यानी दिनांक ४/३/२५ रोजी लाप्रवी, जळगाव येथे तक्रार दिली.
त्या अनुषंगाने तक्रारीची दि.४/३/२५ व दिनांक २५/३/२५ रोजी पडताळणी करण्यात आली. त्यात कुलकर्णी यांनी तक्रारदार यांना त्यांच्या शेतीच्या मोजमाप केलेल्या कामाचे खुणा दर्शवून सीमा निश्चिती करण्यासाठी प्रथम ५५०० , ५००० व तडजोड अंती ४००/रुपयाची मागणी केली तसेच दिनांक ४/३/२५ रोजी च्या पडताळणीत पैशे नसतील तर चणे ( हरभरे ) ची देखील मागणी केली होती. परंतु तक्रारदार याना चणे ( हरभरे ) द्यावयाचे नसल्याने त्यानी पैशे देतो म्हणून सांगितले असता त्यानी पैसे स्वीकारण्याची तयारी दर्शविली होती.
त्या प्रमाणे आज दिनांक २६/०३/२५ रोजी करण्यात आलेल्या पडताळणी कारवाई दरम्यान प्रथम ५०००/- रुपयाची मागणी करून तडजोडी अंती ४०००/- रुपये लाच रक्कम ठरले. त्यानंतर कुलकर्णी यांनी तक्रारदार यांना निंभोरा येथे एका शेता जवळ बोलवून लाचेची रक्कम ४०००/- रुपये स्वतः स्वीकारली आहे.
राजेंद्र रमेश कुलकर्णी, वय ४८ पद- भूकरमापक, भूमी अभिलेख कार्यालय, रावेर, जिल्हा जळगाव ( वर्ग 3 भुमी अभिलेख) यांना ताब्यात घेण्यात आले असून निभोरा पोलीस ठाणे येथे गुन्हा दाखल करण्यात येत आहे.
सापळा व पर्यवेक्षण अधिकारी, योगेश ठाकूर.पोलीस उप अधीक्षक, लाचलुचपत प्रतिबंधक विभाग, जळगांव. सहाय्यक फौजदार सुरेश पाटील, पोका‌ॅ राकेश दुसाने, पोका‌ॅ अमोल सूर्यवंशी यांनी ही कारवाई केली.
बातम्यांच्या अपडेट मिळवण्यासाठी आम्हाला फॉलो करा
