ब्रेकिंग : मास्तर तुम्हीही ….. एक हजाराची लाच, मुख्याध्यापक व शिक्षण विस्तार अधिकारी एसीबी च्या जाळ्यात
जळगाव, मंडे टु मंडे न्युज नेटवर्क l दहा हजारांच्या लाचेची मागणी करून एक हजार रुपये लाच स्वीकारणाऱ्या पिंपळ कोठा येथील प्राथमिक शाळेच्या मुख्याध्यापकासह शिक्षण विस्तार अधिकारी यांचे विरुद्ध एरंडोल पोलिस स्टेशनला गुन्हा दाखल करण्यात आला आहे.
यातील तक्रारदार हे 37 वर्षीय पुरुष असून पारोळा येथील रहिवाशी आहेत. ते प्राथमिक शाळा पिपळकोठे येथे शिक्षक या पदावर नेमणुकीस आहेत व बळीराम सुभाष सोनवणे हे मुख्याध्यापक आहेत. यातील संशईत आरोपी जे डी पाटील, शिक्षण विस्तार अधिकारी यांनी गेल्या सोमवारी त्यांच्या शाळेचे इन्स्पेक्शन केले होते. शिक्षण विस्तार अधिकारी जे डी पाटील यांनी इन्स्पेक्शन मध्ये चांगल्या शेरा लिहावा म्हणून 10 हजार रुपये मागितले आहेत ते सर्व शिक्षकांना द्यावे लागतील असे सांगुन इतर शिक्षकाकडून प्रत्येकी 1000/- रू. घेतले होते. तक्रारदार व अन्य एक शिक्षक यांचे असे एकूण 2000/- रु. बाकी होते. त्याबाबत तक्रारदार यांचेकडुन 1000/-रुपये लाचेची मागणी मुख्याध्यापक बळीराम सोनवणे यांनी केली होती.त्याबाबत तक्रारदार यांनी आज रोजी लाचलुचपत प्रतिबंधक विभाग जळगांव येथे तक्रार दिली होती.
सदर तक्रारी प्रमाणे साक्षीदार शिक्षक व पंचासमक्ष पडताळणी केली असता बळीराम सोनवणे यांनी संशईत शिक्षण विस्तार अधिकारी जे डी पाटील यांनी 10 हजार सांगितले आहेत तुम्हाला यावेळी पैसे द्यावेच लागतील असे सांगुन तक्रारदार यांचेकडून 1000/- रू . लाचेची मागणी करुन आज रोजी 1000 रुपये लाच रक्कम घेताना
बळीराम सुभाष सोनवणे, वय 55 वर्ष व्यवसाय नोकरी , मुख्याध्यापक, जि.प. मराठी शाळा पिपळकोठा ता. एरंडोल जि.जळगांव वर्ग 3 . आणि जे डी पाटिल शिक्षण विस्तार अधिकारी, पंचायत समिती, एरंडोल. यांना मुख्याध्यापक कार्यालय पिपळकोठा ता.एरंडोल येथे रंगेहाथ पकडण्यात आले आहे. तसेच शिक्षण विस्तर अधिकारी यांची फोनद्वारे पडताळणी केली असता त्यांनी 2000/- रु.मिळल्या बाबत विरोध दर्शवला नाही व नंतर कॉल करतो असे सांगून लाच रकमेबाबत कोणताही विरोध दर्शवला नाही. सदर बाबत अधिक तपास करून संशयित आरोपी जे डी पाटील यांच्याविरुद्ध कारवाई करीत आहोत. तसेच एरंडोल पोलीस स्टेशन येथे गुन्हा दाखल करण्याची प्रकिया सुरू आहे.
सदर कारवाई योगेश ठाकूर,पोलीस उप अधीक्षक,ला.प्र.वि. जळगांव.सफौ सुरेश पाटील, चालक,पो.ना. बाळू मराठे
पोकॉ राकेश दुसाने यांनी केली.
