Breaking : लाच भोवली, सावदा एपीआय व पीएसआय एसीबीच्या जाळ्यात
सावदा, ता.रावेर मंडे टू मंडे न्युज : सावदा पोलिस ठाण्यातील सहाय्यक निरीक्षक डी.डी.इंगोले व उपनिरीक्षक गायकवाड यांना एका प्रकरणातील लाच मागणी चांगलीच महागात पडली आहे. आरोपींना अटक न करण्यासाठी लाच स्वीकारणार्‍या सपोनि तसेच उपनिरिक्षकाला लाचलुचपत प्रतिबंधक खात्याच्या पथकाने रंगेहात अटक केल्याने एकच खळबळ उडाली आहे.
शहरातील एका दाखल झालेल्या गुन्ह्यातील संशयित आरोपीला अटक न करण्यासाठी एपीआय देविदास इंगोले यांच्यावतीने उपनिरीक्षक समाधान गायकवाड यांनी तक्रारदाराकडे 60 हजारांची लाच सुमारे दिड ते दोन महिन्यांपूर्वी मागितली होती व 15 हजार रुपयात तडजोड झाल्यानंतर लाच स्वीकारण्याचे ठरले होते मंगळवारी सकाळी आठ वाजता जळगाव एसीबीच्या पथथकाने लाच मागणी प्रकरणी दोघांना अटक केल्याने परिसरात प्रचंड खळबळ उडाली आहे.
जळगाव एसीबीचे पोलिस उपअधीक्षक शशीकांत पाटील यांच्या नेतृत्वात पथकाने मंगळवारी सकाळी आठ वाजेच्या सुमारास दोघांना ताब्यात घेतल्याने पोलिस वर्तुळात प्रचंड खळबळ उडाली आहे.
