अनैतिक संबंधातून दगडाने चेहरा ठेचून महिलेची निर्घृण हत्या
जामनेर, मंडे टु मंडे न्युज नेटवर्कl आज सोमवार दि.१ जुलै रोजी जामनेर तालुक्यातील शहापूर येथे एका ३६ वर्षीय महिलेची अनैतिक संबंधातून दगडाने चेहरा ठेचून निर्घृणपणे हत्या करण्यात आल्याची धक्कादायक घटना सकाळी १०.३० ते ११ वाजेच्या दरम्यान घडली.
संगीताबाई पिराजी शिंदे,वय ३६ रा. शहापूर ता. जामनेर. ही महीला विधवा असुन गावामध्ये एकटीच राहत होती. तळेगाव येथील संशयित आरोपी किरण संजय कोळी उर्फ लहान्या.वय ३०, रा.तळेगाव. याच्या सोबत या महिलेचे काही महिन्यांपासून अनैतिक संबंध असल्याची माहिती बाहेर आली आहे . सोमवारी दि. १ जुलै रोजी सकाळी ११ वाजेच्या सुमारास संशयित किरण कोळी हा सदर महिला संगीताबाई हिच्या घरी मद्यधुंद अवस्थेत आला असता त्या ठिकाणी दोघांमध्ये आर्थिक कारणावरून वाद झाला. हा वाद इतका विकोपाला आला की संशयित किरण कोळी याने महिलेला मारहाण करायला सुरुवात केली. त्यानंतर तिच्या घरातच तिच्या चेहऱ्यावर दगड टाकून व् लाकडी दांडक्याने तिची हत्या केली. संगीता शिंदे हीच्या पतीचं काही वर्षांपूर्वी निधन झाले होते. त्यांना एक मुलगा आणि एक मुलगी आहे. ही महिला सध्या एकटी राहत असते.
दरम्यान या घटनेची ग्रामस्थांना माहिती मिळताच त्यांनी संशयित किरण कोळी याला तळेगाव येथून पकडून पोलिसांच्या हवाली केले पोलिसांना माहिती मिळताच त्यांनी घटनास्थळी धाव घेतली दरम्यान सदर महिलेचा मृतदेह हा जामनेर उपजिल्हा रुग्णालय येथे हलवण्याचे काम सुरू होते. जामनेर पोलीस स्टेशनला हत्येची नोंद करण्यात आली असून पोनि किरण शिंदे यांच्या मार्गदर्शनाखाली पीएसआय दीपक रोटे करीत आहेत.
