पाडळसे येथील जागृत विनायक महाराज मंदिरात भर दुपारी घंट्यांची चोरी
पाडळसे, ता. यावल. मंडे टू मंडे न्युज प्रतिनिधी l येथील मोर नदी पात्रा लगत व धनगर वाड्या जवळ असलेल्या जागृत विनायक बाबा मंदिरातील आज दिनांक १८ रोजी भर दुपारी आठ घंटे चोरीला गेल्याची घटना उघडकीस आली.
यावल तालुक्यातील पाडळसे गावातील विनायक बाबा मंदिर जागृत देवस्थान म्हणून भक्तांमध्ये परिचित आहे अनेक दुर्धर व्याधींनी ग्रस्त असलेले रुग्ण येथे दर्शनासाठी येतात व अनेक रुग्णांना या विनायक बाबा मंदिरात दर्शन घेतल्याने आपल्या आजारापासून सुटका मिळाल्याची बोलले जाते. आता श्रावण महिना सुरू असल्याने या मंदिरात सकाळी चार वाजेपासून ते सकाळी दहा वाजेपर्यंत भक्त नियमित दर्शनासाठी येतात आज सकाळी काही भाविकांनी दर्शन घेतले तेव्हा सर्व घंटे सुस्थितीत होते मात्र दुपारी मंदिरातील सर्व घंटे चोरीला गेल्याचे निदर्शनास आले मंदिरातील एकूण आठ नग घंटे चोरीला गेले आहेत त्यांची किंमत अंदाजे ५५ ते ६० हजार असल्याचे भाविकांनी मंडे टू मंडे न्युज प्रतिनिधी जवळ सांगितले भर दुपारी मंदीरात चोरी झाल्याने पाडळसे गावासह परिसरात खळबळ उडाली आहे.
