सावदा ते पिंपरुड दरम्यान कार व दुचाकीचा अपघात : दोन गंभीर जखमी !
सावदा ता.रावेर, मंडे टू मंडे वृत्तसेवा : सावदा ते पिंपरुड दरम्यानच्या महामार्गावर सायंकाळी चार च्या सुमारास कार आणि दुचाकीच्या झालेल्या अपघातामध्ये दोन जण गंभीर जखमी झाल्याची घटना घडली आहे.
आज सायंकाळी सुमारे चार वाजेच्या सुमारास सावदा ते पिंपरूड दरम्यानच्या महामार्गावर कार आणि दुचाकीचा अपघात झाला असून रावेर तालुक्यातील आंदलवाडी येथील रहिवाशी गणेश अशोक कोळी (वय ३४) आणि विक्की सीताराम सोनवणे (वय २७) अशी त्यांची नावे असल्याची माहिती मिळत असून या अपघातात दुचाकीस्वार दूर पर्यंत घसरत गेल्याने जबर दुखापत झाली आहे.
अपघाताची माहिती मिळताच परिसरातील नागरिकांनी घटनास्थळी धाव घेऊन दोन्ही जखमीना फैजपूर येथील खासगी रुग्णालयांमध्ये उपचारासाठी दाखल केले असून या दोघांची प्रकृती गंभीर असल्यामुळे त्यांना लवकरच जळगाव येथे हलवण्यात येणार असल्याचे सांगण्यात आले. या प्रकरणी पोलिस स्टेशनमध्ये पंचनामा करण्याचे काम सुरू होते.
