जळगाव जिल्ह्यात ४३ लाखाचा गुटखा जप्त
मंडे टू मंडे वृत्तसंकलन।
चाळीसगाव,मंडे टू मंडे वृत्तसेवा। मालेगावहून चाळीसगावमार्गे जळगावकडे जाणार्‍या ट्रकमधून तब्बल ४२ लाख ५४ हजार रूपयांचा गुटखा जप्त करण्यात आला असून मालेगाव येथील दोघांना पोलिसांनी ताब्यात घेतल आहे.
मिळालेली अधिक माहिती अशी की, एम.एच-१५,जीव्ही-९७४१ या क्रमांकाच्या ट्रकमधून गुटख्याचा साठा मालेगाव येथून चाळीसगावमार्गे जळगावला नेण्यात येत असल्याची गुप्त माहिती पोलिसांना मिळाली होती. या आधारावर पोलिसांनी चाळीसगाव चौफुलीच्या जवळ हा ट्रक अडवून याची तपासणी केली. तेव्हा यात गुटखा, सुगंधीत तंबाखू आदींचा समावेश असलेला माल मिळून आला याचे मूल्य सुमारे ४२ लाख ५४ हजार असून पोलिसांनी हा माल जप्त केला असून ट्रक देखील जप्त केला आहे.पोलिसांनी ट्रकचालक शेख हारून शेख हुसेन,वय ४८, रा. आझादनगर, मालेगाव,आणि क्लिनर मोहंमद शमीम मोहंमद सलीम ,वय १९, रा. मालेगाव, या दोघांना ताब्यात घेऊन त्यांची चौकशी सुरू आहे.
