चाळीसगाव येथे सोशल क्लबवर नाशिकच्या पथकाचा छापा; १४ जुगारी अटकेत
चाळीसगाव :(शुभम देशमुख)। शहरातील हिरापूर रोडवरील दूध डेअरी भागातील भारतीय क्रिडा संस्था या सोशल क्लबवर नाशिक पोलीस महानिरीक्षकांच्या पथकाने काल सायंकाळी छापा टाकत १४ जुगाऱ्यासह ७१ हजाराचा मुद्देमाल जप्त केले असून चाळीसगाव शहर पोलिस स्टेशनला गुन्हा दाखल केला आहे.
याबाबत अधिक माहिती अशी, शहरातील हिरापूर रोडवरील दूध डेअरी भागातील लक्ष्मणआप्पा राजपूत यांच्या भारतीय क्रिडा संस्था या सोशल क्लबवर नाशिक पोलीस महानिरीक्षक व चाळीसगाव पथकाने छापा टाकला,त्यात पोलीस निरीक्षक विजयकुमार ठाकूरवाड, स पो नि निसार सैय्यद, हवालदार गणेश पाटील, विजय पाटील, विनोद खैरनार व नाशिकच्या पथकाने छापा मारून रमी 3 पत्ती नावाचा जुगार कॉइन वर खेळताना 14 जुगाऱ्याना 71 हजार 100 रुपयांचा मुद्देमाल, त्यात 46 हजार 600 रुपये रोख 8 मोबाईल, कॉइन 52 पत्त्याचा कॅट व जुगाराचे साधनासह ताब्यात घेऊन चाळीसगाव शहर पोलिस स्टेशनला गुन्हा दाखल केला आहे.
या ठिकाणी क्रीडा क्लब च्या नावा खाली तीन पत्ती रमी असा जुगार खेळला जात होता. शहरात आणखी बऱ्याच ठिकाणी सट्टा -जुगार, अवैध दारू विक्री असे अनेक अवैध धंदे सुरू असून ते सुद्धा बंद करावे अशी मागणी केली जात आहे
