बोदवडमध्ये तरुणांची गळफास लावून आत्महत्या !
बोदवड : शहरातील २५ वर्षीय तरुणांने राहत्या घरात गळफास लावून आत्महत्या केल्याची घटना रविवारी सकाळी ११वाजेच्या सुमारास घडली असून याप्रकरणी बोदवड पोलीस स्टेशनला अकस्मात मृत्यूची नोंद करण्यात आली आहे.
सविस्तर माहिती अशी की, माळी वाड्यातील जुन्या घरी राहुल विश्वनाथ माळी (वय २५ वर्षे) तरुणाने घरात छताला दोरीच्या सहाय्याने गळफास लावून आत्महत्या केली, सदरील घटना रविवारी सकाळी ११ वाजेच्या सुमारास उघडकीस आली. तरुणाने आत्महत्या का केली ? याचे कारण अद्याप कळू शकले नाही. याप्रकरणी बोदवड पोलिस स्टेशनला अकस्मात मृत्यूची नोंद करण्यात आली असून पुढील तपास पोलिस कॉन्स्टेबल गजानन काळे हे करीत आहेत.
