रस्त्याच्या कडेला पीपीई किट घातलेल्या अवस्थेत मृतदेह सापडल्याने खळबळ !
Monday To Monday NewsNetwork।
पालघर : मुंबई-अहमदाबाद महामार्गावर ढेकाळे परिसरात पीपीई किट घातलेल्या अवस्थेत मृतदेह आढळला असून महामार्गावर रस्त्याच्या कडेला पीपीई किट (PPE Kit) घातलेल्या अवस्थेत मृतदेह सापडल्याने एकच खळबळ उडाली आहे.
पीपीई किट मध्ये रस्त्यावर मृतदेह आढळल्याने परिसरात एकच खळबळ उडाली. धक्कादायक म्हणजे हा मृतदेह कुजलेल्या अवस्थेत सापडला असल्याने त्यामुळे घातपाताची शक्यता वर्तवली जात असून हा मृतदेह कोणाचा, मृत्यू नेमका कसा झाला, कारण काय हे प्रश्न अनुत्तरीत आहेत. दरम्यान घटनेची माहिती मिळताच मनोर पोलीस घटनास्थळी दाखल झाले आहे. सध्याची कोरोनाची स्थिती पाहता, घटनास्थळीच पोस्टमार्टेम करणार असल्याची माहिती पोलिसां कडुन मिळत आहे.
