चोरट्यांनी बंद घराचे कुलूप तोडून ५ लाखांचा ऐवज नेला चोरून !
Monday To Monday NewsNetwork|
नाशिक, प्रतिनिधी : नाशिक रोड परिसरातील घरफोडी करत बंद घराचे कुलूप तोडून घरातील कपाटाच्या लॉकरमध्ये ठेवलेले ४ लाख ९० हजार रुपयांचे सोन्याच्या दागिन्यांसह रोख रक्कम चोरट्यांनी चोरून नेल्याची घटना उघडकीस आली आहे.
याबाबत अधिक असे, नाशिकरोड येथील चेहेडी बुद्रुक जकात नाक्यासमोरील गीतागोदावरी अपार्टमेंट मधील शरद सुकदेव दौंड (वय २९) यांच्या बंद घराचे कुलूप तोडुन चोरट्यांनी घरात असलेल्या कपाटातील लॉकरमध्ये ठेवलेले ९० हजारांचे एक सोन्याचे गंठण, ९० हजारांची सोन्याची पोत, १५ हजार रुपयांची सोन्याची अंगठी, १५ हजारांचे सोन्याचे कानातील दागिने, २ हजारांचे चांदीचे ब्रेसलेट, २ हजारांचे घड्याळ, ३५ हजार रुपयांचा लॅपटॉप, तसेच २ लाख ४० हजार रुपयांची रोकड असा एकूण ४ लाख ९० हजार रुपयांचा ऐवज इंडिगो कारमधील तीन अनोळखी चोरट्यांनी चोरून नेला.
या प्रकरणी नाशिकरोड पोलीस ठाण्यात भा. दं. वि. कलम 457, 380, 34 प्रमाणे गुन्हा दाखल करण्यात आला असून, सहाय्यक पोलीस निरीक्षक शेळके अधिक तपास करीत आहेत.
