मजुर घेवुन जाणारा ट्रॅक्टर पलटी झाल्याने चार मजुर जखमी, एकाची प्रकृती गंभीर
यावल, मंडे टू मंडे न्युज नेटवर्क l कामासाठी शेतात मजुर घेवुन जाणारा ट्रॅक्टर पलटी झाल्याने त्यात चार मजुर जखमी झाले असुन त्यातील एकाची प्रकृती गंभीर असल्याची घटना आज सकाळी यावल शिवारात घडली .
आज सकाळी यावल शिवारात शेतात कामासाठी मजूर घेऊन जात असताना ट्रॅक्टर पलटी होऊन अपघात झाल्याची घटना घडली. या अपघातात राहुल वासकर बारेला, सागर अशोक मालाचे, पंडू सालदार बारेला व भुरा भैय्या बारेला हे चार मजुर जखमी झाले आहे. या सर्व जखमींना उपचारासाठी यावलच्या ग्रामीण रूग्णालयात दाखल करण्यात आले असता रूग्णालयात डॉ प्रशात जावळे व वैद्यकीय अधिकारी डॉ. प्रितम सोमनाथे यांनी त्यांच्यावर तातडीने प्रथमपचार केले. यातील दोन जणांना जळगाव येथे पुढील उपचारासाठी पाठविण्यात आले असुन त्यात एकाची प्रकृती ही गंभीर असल्याचे समजते.
