दारू पिण्यासाठी पैशांची मागणी : पैसे दिले नाही म्हणून तरुणांवर चाकूहल्ला
मंडे टू मंडे वृत्तसंकलन।
यावल, मंडे टू मंडे वृत्तसेवा : शहरातील शिवाजी नगर परिसरात दारू पिण्यासाठी पैसे दिले नाही म्हणून एकाने तरूणावर चाकूहल्ला करून जखमी केल्याची घटना मंगळवारी सकाळी ८.३० वाजता घडली. याप्रकरणी यावल पोलीस ठाण्यात गुन्हा दाखल करण्यात आला आहे.
अधिक माहिती अशी, वासुदेव पाटील हा तरूण आपल्या कुटुंबासह वास्तव्याला आहे. आज मंगळवारी १९ ऑक्टोबर रोजी सकाळी ८.३० वाजेच्या सुमारास वासुदेव पाटील हा घराच्या समोर उभा असतांना विलास उर्फ पिंटू सुकदेव सुर्यवंशी रा. शिवाजी नगर हा तिथे आला. विलासने वासूदेव पाटील यांच्याकडे दारू पिण्यासाठी पैसे मागितले. त्यावर वासूदेवने पैसे दिले नाही याचा राग आल्याने विलास सुर्यवंशी याने चापटाबुक्क्यांनी बेदम मारहाण केली व हातातील चाकूने मानेवार व हाताच्या अंगठ्यावर वार करून जखमी केले.
दरम्यान, जखमी तरूणाला ग्रामीण रूग्णालयात उपचारार्थ दाखल करण्यात आले आहे. याप्रकरणी यावल पोलीस ठाण्यात वासूदेव पाटील यांच्या फिर्यादीवरून संशयित आरोपी विलास सुर्यवंशी यांच्यावर गुन्हा दाखल करण्यात आला आहे. पुढील तपास पोलीस करीत आहे.
