एकनाथराव खडसे यांची प्रकृती खालावली : आजची पत्रकार परिषद रद्द
मंडे टू मंडे वृत्तसंकलंन।
जळगाव, प्रतिनिधी | राज्याचे माजी मंत्री तथा राष्ट्रवादी काँग्रेसचे नेते एकनाथराव खडसेंची प्रकृती बिघडली असून त्यांची आज दि. ८ जुलै रोजी पत्रकार परिषद घेणार होते मात्र, ती रद्द करण्यात आल्याची माहिती राष्ट्रवादीकडून देण्यात आली आहे.
भोसरी येथील भूखंड प्रकरणी एकनाथ खडसे यांचे जावई गिरीश चौधरी यांना ईडीने अटक केली. त्यानंतर काल सक्तवसुली संचलनालयाने एकनाथराव खडसें यांना चौकशीसाठी समन्स बजावले आहे. त्यांना आज सकाळी ११ वाजेला ईडीच्या कार्यालयात हजर राहण्याचे सांगण्यात आले आहेत. मात्र, खडसेंची प्रकृती बिघडली असून त्यांची आज दि. ८ जुलै रोजी होणारी पत्रकार परिषद रद्द करण्यात आल्याची माहिती राष्ट्रवादी काँग्रेसकडून ट्विटर वर देण्यात आली आहे.
राष्ट्रवादी काँग्रेस पक्षाचे ज्येष्ठ नेते मा. एकनाथराव खडसे यांची प्रकृती खालावल्याने त्यांची उद्या दि. ८ जुलै रोजीची पूर्वनियोजित पत्रकार परिषद रद्द करण्यात येत आहे. माध्यमकर्मींनी कृपया याची नोंद घ्यावी. गैरसोयीबद्दल दिलगीर आहोत. धन्यवाद.
— NCP (@NCPspeaks) July 7, 2021
