सावदा येथे ८ मे रोजी महायुतीच्या खा. रक्षा ताई खडसे यांच्या भव्य प्रचार रॅलीचे आयोजन
सावदा, ता.रावेर. मंडे टु मंडे न्युज नेटवर्क l रावेर लोकसभा मतदार संघाच्या महायुतीच्या भाजप च्या उमेदवार खा. श्रीमती रक्षाताई खडसे यांच्या भव्य प्रचार रॅलीचे आयोजन सावदा शहरात सावदा शहर भाजप च्या वतीने
दिनांक ८ मे बुधवार रोजी करण्यात आले आहे.
प्रचार रॅलीत भाजपा महायुतीच्या उमेदवार श्रीमती रक्षाताई खडसे भाजपा जिल्हाध्यक्ष अमोल जावळे आदी मान्यवर उपस्थित राहणार असून प्रचार रॅलीची सुरुवात सकाळीं८ वाजता बस स्थानकासमोरील दुर्गा माता मंदिरा जवळून होणार असून शहरातील सर्वच प्रमुख मार्गावरून ही भव्य रॅली निघणार आहे. यात दुर्गा माता मंदिर येथून प्रारंभ होऊन स्टेट बँक, कुंभारवाडा, तेली वाडा, मदन एजन्सीज, संभाजी चौक, चांदणी चौक, अमर गणेश मंडळ, बुधवारा, स्टेशन नाका, गांधी चौक, गवत बाजार, रविवार पेठ, शिवाजी चौक, वंजारवाडी, मोठा आड, स्वामीनारायण मंदिर, सोमवार गिरी मढी, कोष्टीवाडा, तडवी मज्जिद, लहान मारुती, इंदिरा गांधी चौक, मुंजोबावाडी, काजीपुरा, जैन मंदिर, तडवी वाडा, प्लॉट एरिया मार्गे बस स्टैंड वर समारोप होईल.
या रॅलीत सावदा व परिसरातील भाजपा, शिवसेना, राष्ट्रवादी, आरपीआय (आठवले गट), प्रहार, रासप व महायुतीच्या कार्यकर्त्यांनी मोठ्या संख्येने उपस्थित राहावे असे आवाहन सावदा शहराध्यक्ष जितेंद्र भारंबे व सह पदाधिकारी यांनी केले आहे.
