शेठ ला.ना.सा.विद्यालयात म.गांधी व लाल बहादूर शास्त्री यांची जयंती उत्साहात साजरी
जळगाव,मंडे टू मंडे न्युज नेटवर्क l जळगांव येथील शिक्षण प्रसारक मंडळ संचलित शेठ ला.ना . सा.विद्यालयात बुधवार दिनांक 2 ऑक्टोबर रोजी राष्ट्रपिता महात्मा गांधी व भारतरत्न लाल बहादूर शास्त्री यांची जयंती मोठ्या उत्साहात साजरी करण्यात आली.
कार्यक्रमाच्या सुरवातीस शाळेचे मुख्याध्यापक सचिन देशपांडे सर,पर्यवेक्षक प्रशांत जगताप सर. संजय वानखेडे सर,जेष्ठ शिक्षक संजय भारुळे सर ,सौ.सविता दातार मॅडम, ए. व्ही.चौधरी सर व शालेय विद्यार्थी यांच्या हस्ते थोर स्वातंत्र्य सेनानी म.गांधी.व लाल बहादूर शास्त्री यांच्या प्रतिमेस माल्यारपण करण्यात आले.या प्रसंगी इयत्ता.5 वी ते 10 वी मधील विद्यार्थी यांनी म.गांधी व लाल बहादूर शास्त्री यांच्या जीवन कार्याची माहिती तसेच शिक्षक पी. आर.सोनवणे , मयूर पाटील यांनी गांधीजी चे भक्ती गीत सादर केले.
शिक्षक सोमनाथ महाजन, सौ.संगीता कुलकर्णी , सौ.मनीषा वानखेडे यांनी म.गांधी.व लाल बहादूर शास्त्री यांच्या जीवनातील विविध प्रसंग सांगून त्यांच्या सत्य, अहिंसा, श्रमनिष्ठा, देशभक्ती, तत्वनिष्ठा, प्रामाणिकपणा,त्याग, धाडसी वृत्ती, या गुणांची माहिती दिली. शाळेचे मुख्याध्यापक सचिन देशपांडे सर यांनी विद्यार्थ्यांनी दोन्ही महापुरुषांचे सद्गुण अंगिकरण्याचे आवाहन केले.या कार्यक्रमाचे प्रास्ताविक सौ.योगिता गवलकर यांनी ,सूत्रसंचालन सौ. विनया झाडगावकर तर आभारप्रदर्शन सुभाष पाटील यांनी केले.हा कार्यक्रम यशस्वी करण्यासाठी सर्व शिक्षक शिक्षकेतर कर्मचारी यांनी विशेष परिश्रम घेतले.
