रावेर तालुक्यातील कर्जोत शिवारात नाल्यात सापडला अनोळखी व्यक्तीचा कुजलेला मृतदेह
रावेर, मंडे टू मंडे न्युज नेटवर्क l रावेर तालुक्यातील कर्जोद शिवारात ३० ते ३५ दरम्यानच्या वयोगटातील अनोळखी व्यक्तीचा मृतदेह एका शेताशेजारील नाल्यात बुधवार रोजी सापडल्याने खळबळ उडाली.
प्राप्त माहितीनुसार, कर्जोद येथील सोनलाल प्रजापती यांच्या कर्जोद शिवारातील शेत गट नं. २९० मधील शेताजवळील नाल्यात, अंदाजे ३२ ते ३५ वयोगटातील, ५ फूट उंचीचा, सावळ्या रंगाचा, उजव्या पायात काळ्या रंगाची चप्पल, कमरेला काळा करदोडा, मेहंदी रंगाचा शर्ट आणि काळ्या रंगाची पँट परिधान केलेल्या अनोळखी इसमाचा मृतदेह आज सकाळी पाण्यात तरंगतांना व कुजलेल्या अवस्थेत आढळून आला. हा मृत व्यक्ती पाण्यात बुडून मरण पावल्याचा प्राथमिक अंदाज आहे.
या संदर्भात संतोष प्रजापती यांच्या तक्रारीवरून रावेर पोलीस स्टेशनमध्ये अकस्मात मृत्यूची नोंद झाली आहे. पुढील तपास पोलीस निरीक्षक विशाल जयस्वाल यांच्या मार्गदर्शनाखाली पोलीस उपनिरीक्षक तुषार पाटील करीत आहेत.
