भावानेच केला संतापाच्या भरात भावाचा खून, धक्कादायक कारणही आलं समोर
एरंडोल, जिं. जळगाव.मंडे टू मंडे न्युज नेटवर्क l मोठ्या भावाने संतापाच्या भरात लहान भावाच्या डोक्यात बैलगाडी चे शिंगाडे टाकून खून केल्याचा प्रकार उघडकीस आला. ही घटना शनिवारी मध्यरात्रीच्या सुमारास एरोंडोल तालुक्यातील सावदा प्रचा जुनी भिलाटी येथे घडली.
एरोंडोल तालुक्यातील सावदा प्रचा येथे इंदल प्रकाश वाघ वय २५ वर्ष. रा. जुनी भिलाटी, सावदे, ता. एरोंडोल. हा तरुण रहात असून तो खदानीत दगड फोडण्याचे काम करीत होता. मात्र त्याला दारू पिण्याचे व्यसन असल्याने त्याचे कुटुंबियांसोबत नेहमीच वाद होत होते.अशातच शनिवारी मध्यरात्रीच्या सुमारास इंदल चा भाऊ दीपक प्रकाश वाघ याने इंदल ला मोबाईल चा आवाज कमी करण्यास सांगितले असता इंदल याने त्याचे ऐकले नाही. याचं मोठा राग आल्याने दीपक या मोठ्या भावाने संतापाच्या भरात इंदल चे डोके दरवाज्यावर आपटून बैलगाडीचे शिंगाडे इंदल याचे डोक्यात टाकून खून केल्याचे उघड झाले. स्थानिक गुन्हे शाखेच्या पथका सह पोलिसांनी दीपक प्रकाश वाघ याला अटक केली आहे.
