रावेर मध्ये खळबळ, अनोळखी पुरुषाचा मृतदेह आढळला
रावेर, मंडे टु मंडे न्युज नेटवर्क l रावेर शहर परिसरात एका अनोळखी पुरुषाचा मृतदेह आढळल्याने खळबळ उडाली आहे. हा अज्ञात मृतदेह कोणाचा? याची ओळख पटविण्याचे आव्हान पोलिसांसमोर असून अज्ञात अनोळखी इसमा संबंधित काही माहिती मिळाल्यास पोलीसांशी संपर्क साधण्याचे आवाहन रावेर पोलिस स्टेशन तर्फे करण्यात आले आहे.
या संदर्भात मिळालेली अधिक माहिती अशी की, १७ ऑक्टोबर गुरूवार रोजी संध्याकाळी ४ वाजेच्या सुमारास उटखेडा रोडवरील क्रीडा संकुल परिसरात एका अनोळखी पुरुषाचा मृतदेह आढळला. या व्यक्तीची उंची- अंदाजे ५ फूट १ इंच, रंग- सावळा, वय – अंदाजे २५ ते २८ वर्षे, कमरेत काळ्या रंगाचा करदोडा, अंगात काळ्या रंगाचे फुल बायांचे टी-शर्ट तसेच नीळ्या रंगाची जिन्स पॅन्ट, हिरव्या रंगाची निकर, उजव्या हातात काळा पट्टा असलेले घड्याळ, डाव्या हातात स्टीलचे कळे असुन वरील वर्णनाचा कोणी व्यक्ती संदर्भात कोणाला माहिती असल्यास रावेर पोलीस स्टेशन येथील दूरध्वनी क्रमांक ०२५८४ – २५०३३३ या नंबर वर संपर्क करण्याचे आवाहन रावेर पोलीसांकडून करण्यात आले आहे.
