न्हावी गावात सट्टा- मटका, पत्ता- जुगार जोरात, दारुचाही महापूर
फैजपूर, ता. यावल. मंडे टु मंडे न्युज नेटवर्क l यावल तालुक्यातील न्हावी गावात गेल्या अनेक दिवसापासून मोर नदी पात्रात पत्त्याचा जुगार अड्डा सर्रासपणे सुरू आहे. या जुगार अड्ड्यावर दररोज लाखो रुपयांची उलाढाल होत असते. या जुगार अड्ड्यावर परिसरातून जुगारी जुगार खेळण्यासाठी येत असतात. पोलिसाना सर्व काही माहिती असताना या कडे दुर्लक्ष्य केलं जात आहे.
सट्टा – मटका जोरात..
त्याच प्रमाणे न्हावी गावात सट्टा मटक्याच्या पेढ्या कार्यरत असून या सट्टा पेढ्या खुलेआम सुरू असल्याने पोलिसांच्या संमतीने सुरू असल्याचं सांगितलं जातं.
अवैध दारू विक्री….
गावात मोठ्या प्रमाणावर अवैध दारूविक्री सुरू असून या कडे पोलिसांसह सर्वच प्रशासकीय यंत्रणेचे सोयीस्कर दुर्लक्ष होत असून दिवसेंदिवस गावात अवैध धंदे फोफावत आहेत.
गावात सुरू असलेले अवैध धंदे वरिष्ठांना कळविणे. त्याची माहिती देणे गावांच्या सुरक्षेची जबाबदारी असणाऱ्या बीट अंमलदारांना अवैध धंद्याची माहिती असून देखील सोयीस्कर दुर्लक्ष केले जात आहे. त्या मुळे गावातील अवैध धंद्यात दिवसेंदिवस वाढ होत आहे.
गावात अवैध सुरू असलेल्या पत्ता – जुगार, सट्टा – मटका, अवैध दारू यावर दररोज लाखो रुपयांची उलाढाल होत असते. राजरोसपणे सुरू असलेल्या या व्यवसायांमध्ये संबंधितांचे आर्थिक हितसंबंध गुंतलेले आहेत. मात्र या पत्ता – जुगार, सट्टा – मटका, अवैध दारू मुळे अनेकांचे संसार उद्ध्वस्त झाले असून होतही आहेत. हे जुगार अड्डे व सट्टा पेढ्या कुणाच्या? हे पोलिसाना माहिती नाही का? न्हावी गावात सुरू असलेल्या सट्टा- पेढ्या, पत्ता -जुगार यावर वरिष्ठ पोलीस अधिकाऱ्यांकडून लगाम घातला जाईल का? असा प्रश्न या निमित्ताने उपस्थित केला जात आहे.
