भरदाव दुचाकींचा ताबा सुटल्याने चालकाचा मृत्यू !
फैजपूर, मंडे टू मंडे वृत्तसेवा : येथिल टिव्हीएस शो रूम जवळ भरधाव दुचाकीवरील ताबा सुटल्याने झालेल्या अपघातात दुचाकीस्वाराचा दुर्दैवी मृत्यू झाल्याची घटना मध्य रात्री १ वाजेच्या सुमारास घडली आहे. याप्रकरणी फैजपूर पोलीस स्थानकात गुन्हा नोंदविण्यात आला आहे.
५ एप्रिल रोजी मध्यरात्री १ वाजेच्या सुमारास ४९ वर्षीय विजय जनार्दन पाटील रा. के.पी.क्लब, दत्त मंदीराजवळ भुसावळ हे त्यांची दुचाकी (एमएच १९ एसी १९२२) ने फैजपूर येथील पिंपरूळ रोडवर टिव्हीएस शो रूम जवळ दुचाकीने जात असतांना अचानक त्यांचा भरधाव दुचाकीवरील ताबा सुटला त्यामुळे रोडच्या बाजूला असलेल्या झुडूपात दुचाकी घुसली.
सदरील अपघातात त्यांच्या डोक्याला गंभीर मार लागल्याने उपचारापुर्वीच त्यांचा मृत्यू झाला असुन याप्रकरणी फैजपूर पोलीसात नोंद करण्यात आली आहे. पुढील तपास पेाहेकॉ रविंद्र मोरे करीत आहे.
