लोखंडी व प्लास्टीक रॉडनेविटभट्टीधारकाला बेदम मारहाण
मंडे टू मंडे वृत्तसंकलन।
फैजपूर ता. यावल,मंडे टू मंडे वृत्तसेवा। येथील विटभट्टीधारकाला दोन अज्ञातांनी दुचाकीवर येऊन फैजपूर शहरातील विटभट्टीजवळ लोखंडी रॉडने बेदम मारहाण करून जखमी केल्याची घटना घडली.
या बाबत मिळालेली अधिक माहिती अशी की, फैजपूर- भुसावळ रोडवर जगनाडे नगरात आकाश संतोष कापडे ,वय-२४. रा. दक्षिण बाहेर पेठ, फैजपूर यांची विटभट्टी आहे. रविवारी १७ ऑक्टोबर रोजी दुपारी ४.२० वाजेच्या सुमारास अज्ञात दोन जण दुचाकीने विटभट्टीजवळ आले. त्यांनी विटा घेण्याच्या उद्देशाने विटभट्टीधारक आकाश कापडे यांच्याशी बोलत असतांना एकाने दुचाकीवरून एक लोखंडी आणि एक प्लास्टीक रॉड काढून, “तु आमचे मित्राच्या नांदी का लागतो” असे म्हणत एकाने आकाशच्या डोक्यात प्लास्टीक रॉड टाकला तर दुसऱ्याने लोखंडी रॉडने पायावर व हातावर मारून जखमी करून दोघे पसार झाले. याप्रकरणी आकाश कापडे यांच्या फिर्यादीवरून फैजपूर पोलीस ठाण्यात १८ ऑक्टोबर रोजी रात्री ८ वाजता गुन्हा दाखल करण्यात आला आहे. पुढील तपास स.पो. नि. सिध्देश्वर आखेगावकर करीत आहे.
