शिवराज्याभिषेक दिनी फैजपूर येथे छत्रपती शिवरायांना अभिवादन
फैजपूर,मंडे टू मंडे न्युज वृत्तसेवा। अठरा पगड जातीच्या मावळ्यांना सोबत घेऊन रयतेचं राज्य निर्माण करणारे हिंदवी स्वराज्याचे संस्थापक, छत्रपती शिवाजी महाराज यांना शिवराज्याभिषेक दिनानिमित्त खान्देश नारीशक्ती फाऊंडेशन फैजपूर च्या वतीने प्रतिमापूजन करुन अभिवादन करण्यात आले.
यावेळी खान्देश नारीशक्ती फाऊंडेशन अध्यक्षा सौ.दिपाली चौधरी झोपे यांनी उपस्थीतांना छत्रपती शिवाजी महाराज व शिवराज्याभिषेक सोहळा संदर्भात मनोगत व्यक्त करतांना सांगितले की औरंगजेब, निजामशाहा, आदिलशाहा यांसारख्या बलाढ्य शत्रुंचे संकट समोर उभे असतांना छत्रपती शिवाजी महाराजांनी मुठभर मावळ्यांना सोबत घेऊन स्वराज्य स्थापन करण्याची शपथ घेतली आणि मोठमोठ्या संकटांना तोंड देत भव्यदिव्य अशा स्वराज्याची स्थापना केली.त्या सोनेरी दिवसाचे स्मरण करून प्रत्येकाने प्रेरणा घेऊन वाटचाल करावी असं देखील यावेळी त्यांनी सांगितले.
याप्रसंगी रजनी सुरेश चौधरी, शशिकला रेवा चौधरी, नलिनी निरंजन नारखेडे, सुनंदा सुरेश नारखेडे, रुख्मिणी मधुकर नारखेडे, सुनिता निळकंठ चौधरी, निळकंठ चौधरी,गार्य नारखेडे, गुणेश्री झोपे, पार्थ झोपे इत्यादी उपस्थित होते.
