भोरटेक फाट्यावर रिक्षा उलटून नवरदेवाचे वडील व काकू दोघे ठार
मंडे टू मंडे वृत्तसंकलन।
फैजपूर,मंडे टू मंडे न्युज वृत्तसेवा। लग्नाच्या बस्त्यासाठी रिक्षाने जात असताना पाडळसा-भुसावल रस्त्यावरील भोरटेक फाट्यावर खड्डा चुकवताना रिक्षा उलटून
रावेर तालुक्यातील आंदलवाडी येथील नावरदेवाचे वडील व काकू दोघे ठार झाले
या बाबत मिळालेली अधिक माहिती अशी की,रावेर तालुक्यातील आंदलवाडी येथील दिलीप दिनकर तायडे यांचा मुलगा शुभम तायडे या युवकाचा विवाह निश्चीत झाल्याने त्याच्या लग्नाच्या बस्त्यासाठी हे कुटुंबिय काल रविवारी दुपारी रिक्षाने भुसावळ येथे जात असताना पाडळसा-भुसावल रस्त्यावरील भोरटेक फाट्यावर रस्त्यावर खड्डे पडले असल्याने खड्डा चुकवताना रिक्षा उलटली त्यात नवरदेवाचे वडील दिलीप दिनकर तायडे वय ५० आणि काकू ज्योत्स्ना गोकुळ तायडे वय ४५ हे दोन जण जागीच ठार झाले व तीन जण जखमी झाले असून जखमीना उपचारार्थ खासगी रूग्णालयात दाखल करण्यात आले असून या बाबत फैजपूर पोलिस स्टेशनला नोंद करण्यात आली आहे .
