भुसावळ मध्ये बनावट नोटा जप्त, नोटांसह तिघांना अटक
भुसावळ, मंडे टू मंडे न्युज नेटवर्क l भुसावळ शहरात बनावट नोटा विक्रीसाठी घेऊन आलेल्या तिघांना बुधवार दि.४ सप्टेंबर रोजी संध्याकाळी भुसावळ बाजारपेठ पोलिसांनी अटक केली. त्यांच्याकडून तीन लाखाच्या बनावट नोटा जप्त करण्यात आल्या असून या संदर्भात तीन आरोपींना अटक केली आहे.
सय्यद मुशारद अली मुमताज अली (वय ३८, रा. दुश्मनीय पार्क शिवाजीनगर जळगाव), नदीम खान रहीम खान (वय ३,० रा. सुभाष चौक शनिवार पेठ जळगाव), अब्दुल हकीम अब्दुल कादर (वय ५७, अब्दुल अमित चौक रसलपुर रोड रावेर) अशी अटक करण्यात आलेल्या तिघांची नावे आहेत.
काहीजण भुसावळ शहरात बनावट नोटा विक्रीसाठी घेऊन येत आहेत, अशी गोपनीय माहिती बाजारपेठ पोलिसाना मिळाली होती. एक लाखाच्या खर्या नोटांच्या बदल्यात तीन लाखांच्या बनावट नोटा देणार असल्याची ही माहिती पोलिसांना मिळाली होती. त्या माहितीनुसार पोलिस निरीक्षक राहुल वाघ यांनी पथक तयार करून भुसावळ शहरात सापळा रचला. व बनावट नोटांसह बुधवार रोजी सय्यद मुशारद अली मुमताज अली (वय ३८, रा. दुश्मनीय पार्क शिवाजीनगर जळगाव), नदीम खान रहीम खान (वय ३,० रा. सुभाष चौक शनिवार पेठ जळगाव), अब्दुल हकीम अब्दुल कादर (वय ५७, अब्दुल अमित चौक रसलपुर रोड, रावेर) या तिघांना पोलिसाना अटक केली.
बुधवारी सायंकाळी संशयितांनी तीन ठिकाणे बदलल्यानंतर एका ठिकाणी त्यांनी व्यवहार पूर्ण केला. व्यवहार पूर्ण झाल्यावर दबा धरून बसलेल्या पोलीस पथकातील कर्मचाऱ्यांनी त्यांना ताब्यात घेतले. रात्री उशिरा स्टेट बँकेच्या अधिकार्यांकडून नोटांचे व्हेरिफिकेशन करण्यात आले.
