अखेर ” ते ” दोघे पोलिस निलंबित
जळगाव, मंडे टु मंडे न्युज नेटवर्क | गेल्या आठवड्यात कौटुंबिक हिंसाचाराच्या दाखल गुन्ह्यामध्ये मदत करण्यासाठी
जळगाव शहर पोलीस स्टेशन मधील पोलिस हवालदार रवींद्र प्रभाकर सोनार (वय ४६) व पोलिस नाईक धनराज नारायण निकुंभ या दोघांना पोलीस ठाण्यातच वीस हजाराची लाच घेतांना रंगेहाथ पकडले होते. त्या दोघांवर गुन्हा दाखल करण्यात आला होता.या दोघांना निलंबीत करण्यात आले आहे.
कौटुंबिक हिंसाचाराच्या दाखल गुन्ह्यामध्ये मदत करण्यासाठी रवींद्र सोनार व धनराज निकुंभ या दोघांनी तक्रारदारकडे ५० हजारांची लाच मागितली होती. तडजोड होऊन लाचेची रक्कम ही २० हजार रुपयांवर आली. यावेळी लाचलुचपत प्रतिबंधक विभागाने सापळा रचून जळगाव शहर पोलीस स्टेशनला ड्युटीवर असलेल्या पोलिस हवालदार रविंद्र प्रभाकर सोनार वय ४७ वर्ष. यांना वीस हजारांची लाच घेतांना पोलीस ठाण्यातच रंगेहाथ पकडले होते. याप्रकरणी त्यांच्याविरुद्ध गुन्हा दाखल होवून ते सद्या न्यायालयीन कोठडीत आहे. दरम्यान, या दोघांना निलंबित करण्याचे आदेश जिल्हा पोलिस अधीक्षक डॉ. महेश्वर रेड्डी यांनी काढले आहे.
