अंकलेश्र्वर – बुऱ्हाणपूर महामार्गावर चारचाकी वाहनांचा अपघात, महिलेचा मृत्यू
मंडे टु मंडे न्युज नेटवर्क l अंकलेश्र्वर – बुऱ्हाणपूर महामार्गावर दोन चारचाकी वाहनांचा भीषण अपघात झाला. त्यात मध्यप्रदेशातील शेवकाबाई महादू भोई. रा.सेंधवा, मध्यप्रदेश. या ५० वर्षीय महिलेचा मृत्यू झाला. ही घटना चोपडा – शिरपूर दरम्यान आज दी. १९ ऑक्टोबर शनिवार रोजी संध्याकाळी ६.३० वाजेच्या दरम्यान घडली.
अंकलेश्र्वर – बुऱ्हाणपूर महामार्गावर चोपडा – शिरपूर रस्त्यावर गलवाडे शिवारात ओंकारेश्वर महादेव मंदिराजवळ इको गाडी क्र.जी.जे.३४ – एच. २१५० या वाहनास समोरून येणाऱ्या आयशर गाडी क्रमांक.आर.जे.२५ – जे.ए. ७६७४ या वाहनाने मागून धडक दिली. या भीषण अपघातात शेवकाबाई महादू भोई. रा. सेंधवा, मध्यप्रदेश. या महिलेचा मृत्यू झाला. याप्रकरणी आयशर चालक मोहम्मद अझरुद्दीन हाजी भरपूर खां. वय ३१ वर्ष. रा. राजस्थान यांच्या विरुद्ध चोपडा ग्रामीण पोलिसात गुन्हा दाखल करण्यात आला असून त्यास अटक करण्यात आली आहे.
