कार वरील नियंत्रण सुटल्याने झालेल्या कार अपघातात रावेर येथे येणाऱ्या चार महिला जखमी
यावल, मंडे टु मंडे न्युज नेटवर्क l चोपड्या कडून रावेर येथे कारने येणाऱ्या चार महिला यावल तालुक्यातील किनगाव गावा जवळ कार चालकाचे कारवरील नियंत्रण सुटल्याने झालेल्या अपघातात चार महिला जखमी झाल्याची घटना आज १९ नोव्हेंबर मंगळवार रोजी सकाळी ७ वाजता घडली.
मिळालेल्या माहितीनुसार, कार क्रमांक. एमएच ०३ बीजे ८२५३. मधून ज्योती भादले, मिनाक्षी सुलताने, आडगाव तालुका यावल येथील ग्रामपंचायतीला ग्रामसेवक कार्यरत असलेल्या कविता बाविस्कर व शिक्षिका लतिका परवीन तडवी चोपडयाकडून रावेर येथे निवडणुकीच्या प्रशासकीय कामा करीता मंगळवारी १९ नोव्हेंबर रोजी सकाळी ७ वाजेच्या सुमारास जात असताना किनगाव येथील कृषी उत्पन्न बाजारच्या उपकार्यालया समोर कार चालकाचा वाहनावरील ताबा सुटल्याने अपघात झाला. या अपघाता कोणतीही जिवीत हानी झाली नसली तरी कारमधील चार महिला गंभीर जखमी झाल्या. नागरिकांच्या मदती तात्काळ किनगाव येथील प्रथम खाजगी रुग्णालयात उपचार केल्यावर पुढील उपचारासाठी चोपडा उपजिल्हा रुग्णालयात दाखल करण्यात आले आहे.
