सावदा – भुसावळ रस्त्यावरील पिंपरुड जवळच्या भीषण अपघातातील चौथ्या जखमींचा उपचारादरम्यान मृत्यू
सावदा, ता. रावेर. मंडे टु मंडे न्युज नेटवर्क ll सावदा भुसावळ रस्त्यावरील पिंपरुड सावदा दरम्यानच्या रस्त्यावर होंडा सिटी कारने झाडाला ठोस दिल्याने मोठा अपघात झाला. या अपघातात रावेर येथील शुभम सोनार, वय २५ वर्ष, मुकेश रायपूरकर, वय २३ वर्ष व जयेश भोई हे तिघे जागीच ठार झाले होते. तर इतर गणेश भोई सह आणखी एक गंभिर जखमी झाले होते ही घटना शुक्रवार दी. २० रोजी रात्री घडली होती. जखमींना उपचारासाठी रुग्णालयात दाखल करण्यात आले होते.
या अपघातातील गंभीर २ जखमीं पैकी गणेश भोई, वय २७, रा. भोईवाडा, रावेर. याचा रविवारी दुपारी २ वाजेच्या सुमारास उपचारादरम्यान मृत्यू झाला. गणेशचा मृत्यू झाल्यामुळे रावेर शहरात पुन्हा शोककळा पसरली आहे. दरम्यान घटनेप्रकरणी संबंधित पोलीस स्टेशनला नोंद घेण्याचे काम सुरू होते.
मयत गणेश संतोष भोई (वय २७, रा. भोईवाडा, रावेर) याच्या पश्चात आई-वडील, पत्नी, दोन भाऊ, बहीण, एक २ वर्षांचा मुलगा असा परिवार आहे. गणेश हा फोटोग्राफीचा व्यवसायद्वारे व त्याचे वडील हातमजुरी करून परिवाराचा उदरनिर्वाह करीत होते. दरम्यान शुक्रवारी दि. २० रोजी भुसावळ येथून हळदीच्या कार्यक्रमावरून रावेर येथे मित्रांसोबत परतत असताना सावदा ते पिंपरूळ रस्त्यावर त्यांची भरधाव कार झाडावर आढळल्याने भीषण अपघात झाला होता. या अपघातात शुभम दशरथ सोनार, मुकेश किशोर रायपूरकर, जयेश केशव भोई हे तीन विद्यार्थी मृत झाले होते तर गणेश भोई याच्यावर जळगाव येथे खाजगी रुग्णालयात उपचार सुरू होते. यावेळी कुटुंबीयांनी मन हेलावणारा आक्रोश केला. रावेर शहरामध्ये यामुळे पुन्हा एकदा शोककळा पसरली आहे. आणखी एक जखमी विकी उदय जाधव याच्यावर शासकीय वैद्यकीय महाविद्यालयात उपचार सुरू आहेत.
