राज्यात विजांच्या कडकडाटासह मुसळधार पाऊस, सोसाट्याच्या वाऱ्यासह अलर्ट
मुंबई, मंडे टु मंडे न्युज नेटवर्क l राज्यात पुढील काही तासांत काही ठिकाणी मुसळधार पावसाची शक्यता हवामान विभागाने वर्तवली आहे.
राज्यातील अहमदनगर, जळगाव, नाशिक, रत्नागिरी, कोल्हापूर, सातारा, रायगड, सिंधुदुर्ग, छत्रपती संभाजीनगर या जिल्ह्यांमध्ये विजांच्या कडकडाटासह तुफान पावसाची शक्यता आहे.
भारतीय हवामान विभागाच्या अंदाजानुसार, दक्षिण कोकण, दक्षिण मध्य महाराष्ट्र, मराठवाडा आणि विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळ, आणि सोसाट्याचा वाऱ्यासह हलका ते मध्यम पाऊस पडण्याची शक्यता आहे.
कोकणात मान्सून पूर्व पावसाने जोर धरलाय. तर उर्वरित राज्यामध्ये अवकाळी पावसाने धुमाकूळ घातला आहे. दरम्यान, मान्सून अंदमान निकोबार बेटांवर दाखल झाला आहे. त्यामुळे लवकरच तो देशात दाखल होण्याची शक्यता आहे.
