गावठी पिस्तूल व जिवंत काडतूस सह एकास अटक
भुसावळ, मंडे टू मंडे न्युज नेटवर्क l भुसावळ शहरातील एमआयडीसी परिसरातील सद्गुरु इंडस्ट्रीज परिसरात गावठी पिस्तूल घेऊन फिरणाऱ्या हरीश राहुल उजलेकर याला भुसावळ बाजारपेठ पोलिसांनी शनिवारी १४ सप्टेंबर रोजी सायंकाळी ५.३० वाजता अटक केली असून त्याच्याकडून गावठी बनावटीचा पिस्तूल आणि जिवंत काडतूस जप्त केले आहे.
शनिवारी १४ सप्टेंबर रोजी सायंकाळी ५.३० वाजता हरीश राहुल उजलेकर रा. वरणगाव ता. भुसावळ हा रेकॉर्डवरील गुन्हेगार भुसावळ शहरातील एमआयडीसी भागातील सद्गुरु इंडस्ट्रीज परिसरामध्ये हातात गावठी पिस्तूल घेऊन फिरत असल्याची गोपनीय माहिती भुसावळ येथील बाजारपेठ पोलिसांना मिळाली.
पोलिसांनी हरीश उजलेकर याला अटक करून त्याच्या कडून १५ हजार रुपये किमतीचा गावठी पिस्तूल आणि २ हजार रुपये किमतीचे २ जिवंत काडतूस जप्त केले. या प्रकरणी रात्री उशिरापर्यंत भुसावळ बाजारपेठ पोलीस स्टेशनला गुन्हा दाखल करण्यात आला आहे. सदरची कारवाई बाजारपेठ पोलीस स्टेशनचे पोलीस निरीक्षक राहुल वाघ यांच्या मार्गदर्शनाखाली पोलीस उपनिरीक्षक मंगेश जाधव, पोलीस हेड कॉन्स्टेबल विजय नेरकर, निलेश चौधरी, महेश चौधरी, भूषण चौधरी, प्रशांत परदेशी यांनी केली.
