प.पू. शास्त्री भक्तिकिशोरदासजी यांचे दुःखद निधन स्मृती प्रित्यर्थ सावदा येथे ७ जुलै रोजी श्रद्धांजली सभा
सावदा. ता. रावेर. मंडे टु मंडे न्युज नेटवर्क l येथील स्वामीनारायण देवस्थानाचे प्रमुख कोठारी शास्त्री भक्तीकिशोरदासजी यांचे २८ जून २०२४ रोज शुक्रवार या दिवशी हृदविकाराच्या झटक्याने निधन झाले. अल्पवयात त्यांचं जाणं ही घटना हृदयाला चटका लावणारी घटना आहे.
त्यांच्या निधना निमित्त दिनांक ७ जुलै २०२४ रोज रविवार या दिवशी कुलसुमबाई मंगल कार्यालय सावदा. ता. रावेर. या ठिकाणी दुपारी १ वाजता श्रद्धांजली सभेचे आयोजन करण्यात आले आहे.
तरी शास्त्री भक्ती किशोर दासजी यांचेवर निस्सीम प्रेम करणाऱ्या सर्व स्नेही जनांना या शोकसंदेशाद्वारे कळविण्यात येत आहे की, सदर सभेस सर्व संप्रदायातील संत महंत अनुयायी उपस्थित राहणार असून आपणही आपली उपस्थिती द्यावी असे आवाहन प,पू.स.गु.शा. स्वामी धर्मप्रसाददासजी. प,पू.स.गु.शा.स्वामी भक्तिप्रकाशदासजी व समस्त खान्देश संत व सत्संग समाज,श्री स्वामीनारायण मंदिर, सावदा.श्री स्वामीनारायण गुरुकुल सावदा.कडून करण्यात आले आहे.
