भीषण अपघात : महामार्गावर रक्ताचा सडा, इनोव्हा कार ट्रकवर धडकली, मृतदेह रस्त्यावर विखूरले
मंडे टु मंडे न्युज नेटवर्क l राज्यातील विविध मार्गांवर अपघातांची संख्या वाढतच आहे. त्यामुळे अपघात आणि अपघातात मृत्यू होणाऱ्यांची संख्याही राज्यात वाढत आहेत. यवतमाळ -नागपूर महामार्गवरील चापरडा गावाजवळ भीषण अपघात झाला. या अपघातात दर्शनासाठी जाणाऱ्या ४ भाविकांचा मृत्यू झाला. तसेच १ जण गंभीर जखमी झाला आहे. पंजाब येथील शीख कुटूंब दर्शनाला नांदेड येथील गुरुद्वाराला दर्शनाला जात असताना हा अपघात झाला. थांबलेल्या ट्रकला त्यांची इनोव्हा गाडी मागून धडकली. या अपघातात इनोव्हा गाडीचा पुढील भाग चक्काचूर झाला. अपघातातील जखमींना रुग्णालयात दाखल करण्यात आले आहे.
हा अपघात इतका भीषण होता की, या अपघातामध्ये चार जणांचा जागीच मृत्यू झाला आहे तर एक जण गंभीर जखमी झाला आहे. जखमी व्यक्तीला स्थानिकांच्या मदतीनं रुग्णालयात दाखल करण्यात आलं आहे.
पंजाब येथील शीख कुटुंब दर्शनासाठी नांदेडला जात असताना वाटेतच काळानं घाला घातला.दरम्यान या अपघातात मृत्यूमुखी पडलेल्या भाविकांची नावं अद्याप समोर आलेली नाहीयेत, हे सर्व जण पंजाबमधून नांदेडला दर्शनासाठी निघाले होते.
इनोव्हा कारने ट्रकला मागून धडक दिली, हा अपघात नेमका कसा झाला याबाबत अद्याप माहिती समोर आलेली नाही, मात्र चालकाचं नियंत्रण सुटून हा अपघात झाला असावा असा प्राथमिक अंदाज आहे. या अपघातामध्ये वाहनांचं देखील मोठं नुकसान झालं असून, कारचा पूर्णपणे चक्काचूर झाला आहे.
